ՌԴ-ի դեսպանատունն աբսուրդային է անվանել Մեծ Բրիտանիայի պնդումները ՀՀ-ի ընտրություններին միջամտելու մասին
Մեծ Բրիտանիայի կառավարության պնդումները Հայաստանի ընտրություններին Ռուսաստանի ենթադրյալ միջամտության մասին անհեթեթ են թվում Լոնդոնի բացահայտ նեոգաղութատիրական քաղաքականության ֆոնին․ նշվում է Մեծ Բրիտանիայում Ռուսաստանի դեսպանատան հայտարարության մեջ։
«Բրիտանական մեղադրանքները Հայաստանի ընտրություններին միջամտելու մասին ավելի աբսուրդային են թվում Երևանում արևմտաեվրոպական աժիոտաժի ֆոնին։ Լոնդոնի նեոգաղութատիրական քաղաքականությունը, որը նախկինում նպաստել է Կիևի պետական հեղաշրջմանն, այժմ ուղղված է նաև Հայաստանին։ Ժամանակն է, որ Արևմուտքը դադարեցնի միջամտել ինքնիշխան պետությունների գործերին, ինչպես վերջերս արեց Մոլդովայում և Ռումինիայում», – նշել է դիվանագիտական առաքելությունը։
