Հռոմի պապը՝ Nike-ի մարզակոշիկներով

Հռոմի պապ Լևոն XIV-ը նոր շունչ է հաղորդում պապական հանդերձանքին։

Առաջին ամերիկացի պապի՝ Վատիկանում անցկացրած տարիների մասին պատմող նոր վավերագրական ֆիլմի՝ «Leone a Roma»-ի թրեյլերում ուշադրություն են գրավել պապի ոչ ավանդական կոշիկները, որոնք հատկապես հետաքրքրել են սպորտային կոշիկների սիրահարներին․ գրում է People-ը։

Թրեյլերում երևում է՝ ինչպես է Լևոն XIV-ը քայլում խոտածածկ տարածքի վրայով․ նրա պապական հանդերձանքի տակից երևում են Nike ապրանքանիշի կոշիկները։

Հստակ չէ, սակայն, թե լուսանկարը երբ է արվել։

Հռոմի պապ Լևոն XIV-ն իր հագուստի ընտրության պատճառով նախկինում նույնպես հայտնվել է լրատվամիջոցների ուշադրության կենտրոնում։ 2025 թվականի հունիսին Վատիկանում ունեցած ելույթի ժամանակ Չիկագոյում ծնված Հռոմի պապը կրել է Chicago White Sox ամերիկյան պրոֆեսիոնալ բեյսբոլի թիմի գլխարկը։ Ավելի ուշ պարզ է դարձել, որ նա թիմի մեծ երկրպագուն է եղել դեռևս փոքր տարիքից։