Չինաստանը համաձայնել է գնել 200 Boeing ինքնաթիռ․ Թրամփը գոհ է իր կնքած գործարքից

ԱՄՆ նախագահ Դոնալդ Թրամփը հայտարարել է, որ Չինաստանի նախագահ Սի Ծինփինը Պեկինում կայացած հանդիպման ժամանակ համաձայնել է գնել 200 Boeing ինքնաթիռ․ գրում է Fox News-ը։

Fox News-ի հաղորդավար Շոն Հաննիթիի հետ հարցազրույցում Թրամփը Չինաստանի առաջնորդի հետ իր բանակցությունները որակել է որպես «շատ լավ» և ասել, որ ինքնաթիռների վերաբերյալ պայմանավորվածությունը գերազանցել է Boeing-ի սպասումները։

«Մի բան, որին Սի Ծինփինն այսօր համաձայնվեց․ նա պատրաստվում է պատվիրել 200 ինքնաթիռ։ Դա կարևոր բան է։ Boeing՝ 200 խոշոր ինքնաթիռ։ Դա նշանակում է շատ աշխատատեղեր։ Սա շատ մեծ թիվ է։ Boeing-ը ցանկանում էր 150 հատ, սակայն ստացավ 200-ը»,- ասել է ԱՄՆ նախագահը։

Պայմանագրի պայմանները՝ ներառյալ մատակարարման ժամկետները և ինքնաթիռների մոդելները, չեն հրապարակվել։