Ես վերահաստատեցի Ֆրանսիայի աջակցությունը Հայաստանի և Ադրբեջանի միջև խաղաղության գործընթացին․ Մակրոնն ու Ալիևը հեռախոսազրույց են ունեցել
Ադրբեջանի ու Ֆրանսիայի նախագահները հեռախոսազրույց են ունեցել․ այս մասին նշվում է Ադրբեջանի նախագահի սոցիալական ցանցի էջում:
Հաղորդվում է, որ Ֆրանսիայի նախագահ Էմանուել Մակրոնն այսօր զանգահարել է Ադրբեջանի ղեկավարին։ Հեռախոսազրույցի ընթացքում նրանք մտքեր են փոխանակել Ադրբեջանի և Ֆրանսիայի միջև երկկողմ հարաբերությունների օրակարգի, ինչպես նաև փոխադարձ հետաքրքրություն ներկայացնող հարցերի շուրջ։
Ադրբեջանի ու Ֆրանսիայի նախագահները քննարկել են նաև տարածաշրջանային և համաշխարհային հարցեր։
Մակրոնն, իր հերթին, գրառում է արել X հարթակում․ «Ես խոսեցի նախագահ Իլհամ Ալիևի հետ։ Ես վերահաստատեցի Ֆրանսիայի աջակցությունը Հայաստանի և Ադրբեջանի միջև խաղաղության գործընթացին և այս գործընթացի շարունակական առաջխաղացման կարևորությանը։ Մենք նաև քննարկեցինք տարածաշրջանային հարցեր և մեր երկկողմ հարաբերությունների զարգացման ներուժը»։
