Ֆրանսուհին իր 2 երեխաներին թողել է Պորտուգալիայի փողոցներից մեկում ու հեռացել․ նա ձերբակալվել է

Պորտուգալիայի ազգային գվարդիան (GNR) ձերբակալել է ֆրանսիացի կնոջ, որը կասկածվում է իր 2 փոքր երեխաներին փողոցում թողնելու համար․ երեխաներին այս շաբաթվա սկզբին գտել են պորտուգալական փոքրիկ քաղաքում միայնակ քայլելիս․ գրում է Reuters գործակալությունը։

Ֆրանսիայի իշխանությունները համաեվրոպական խնդրագիր էին հրապարակել՝ օգնելու գտնել կնոջը և 4 և 5 տարեկան երեխաներին, այն բանից հետո, երբ նրանք անհետացել էին Ֆրանսիայի Կոլմար քաղաքում գտնվող իրենց տնից։

Պորտուգալիայի դատական ​​ոստիկանությունը հինգշաբթի տարածած հայտարարության մեջ նշել է, որ երեխաները հայտնաբերվել են երեքշաբթի Ալկասեր դու Սալ քաղաքի ճանապարհին․ նրանք, ըստ երևույթին, կորել են, երբ մայրը նրանց լքել է։

Կնոջից բացի ձերբակալվել է նաև 55-ամյա տղամարդ։