Պուտին-Փաշինյան հանդիպման վերաբերյալ դեռևս համաձայնություն չկա․ընտրությունների արդյունքները դեռ հրապարակված չեն․ Պեսկով
Ռուսաստանի Դաշնության նախագահ Վլադիմիր Պուտինի և Հայաստանի վարչապետ Նիկոլ Փաշինյանի հանդիպման վերաբերյալ դեռևս համաձայնություն չկա․ ինչպես գրում է ria.ru-ն, այդ մասին հայտարարել է Ռուսաստանի նախագահի մամուլի քարտուղար Դմիտրի Պեսկովը։
«Դեռևս որևէ հստակ պայմանավորվածություն չկա։ Դուք գիտեք, որ ընտրությունների արդյունքները, ինչպես սպասվում է, կհրապարակվեն ամսի 14-ին։ Դուք գիտեք, որ ընտրությունների շատ մասնակիցներ պատրաստվում են բողոքարկել արդյունքները, վերահաշվարկ կլինի և այլն, ուստի՝ դա բավականին բարդ և ժամանակատար կլինի», – նշել է Պեսկովը։
