Պատանի հայ շախմատիստներն աշխարհի առաջնությունում առաջատար դիրքերում են
Իտալիայի Մոնտեսիլվանո քաղաքում շարունակվում է 2026 թվականի շախմատի աշխարհի 14-18 տարեկան պատանիների և աղջիկների առաջնությունը. տեղեկանում ենք Հայաստանի Շախմատի ֆեդերացիայից։
«4 խաղափուլից հետո մինչև 14 տարեկան պատանիների խմբում ՖԻԴԵ-ի վարպետ Տիգրան Համբարձումյանը ունի 3.5 միավոր և կիսում է 3-րդ հորիզոնականը:
Մինչև 18 տարեկան պատանիների խմբում ՖԻԴԵ-ի վարպետ Վաչե Հովակիմյանը նույնպես ունի 3.5 միավոր և կիսում է 4-րդ հորիզոնականը:
Առաջատարների շարքում է նաև մինչև 18 տարեկան աղջիկների խմբում հանդես եկող Անահիտ Մկրտչյանը, որ ունի 3 միավոր»,- ասված է հաղորդագրությունում:
