Հայտնի է՝ ինչի համար են մեղադրում Ծառուկյանին

Քննչական կոմիտեն հայտնում է, որ Գագիկ Ծառուկյանի կազմակերպմամբ գործող հանցավոր խումբը, ըստ նախաքննության տվյալների, 2022-2024 թվականներին Իրանից Հայաստան ներմուծումների անվան տակ առանձնապես խոշոր չափերով խարդախությամբ հափշտակել է շուրջ 21 մլն ԱՄՆ դոլար (մոտ 8.1 մլրդ դրամ) արժողությամբ գույք և իրականացրել փողերի լվացում։

ՔԿ-ի հաղորդագրության համաձայն՝ կեղծվել են մաքսային հայտարարագրեր ու այլ փաստաթղթեր, իսկ հափշտակված գույքի վաճառքից ստացված միջոցները ներկայացվել են որպես օրինական եկամուտ։ Բացի այդ, առանձին դրվագով նշվում է շուրջ 934 հազար ԱՄՆ դոլարի խարդախության մասին։

Գործով հարուցվել է հանրային քրեական հետապնդում, իսկ ավելի քան 70 հասցեում կատարված խուզարկությունների ընթացքում հայտնաբերվել են գործի համար կարևոր ապացույցներ, այդ թվում՝ հափշտակված տրանսպորտային միջոցներ։

Քննչական կոմիտեից նաև տեղեկացրել են, որ Ծառուկյանը և հանցավոր խմբի ևս մեկ անդամ ձերբակալվել են՝ դատարան ներկայացնելու նպատակով, հանցավոր խմբի մյուս անդամի վերաբերյալ կայացվել է ձերբակալման որոշում