Հունգարիայի խորհրդարանը քվեարկել է երկրի նախագահին պաշտոնանկ անելու օգտին
Հունգարիայի խորհրդարանը քվեարկել է նախագահ Տամաշ Շույոկին պաշտոնանկ անելու օգտին․ գրում է BBC-ն։
Վարչապետ Պետեր Մադյարի ղեկավարած Տիսա կուսակցությունն, օգտվելով խորհրդարանում ունեցած երկու երրորդի մեծամասնությունից, առանց դժվարության ընդունել է Սահմանադրության 17-րդ փոփոխությունը, որով դադարեցվել են նախագահ Շույոկի և Սահմանադրական դատարանի նախագահ Պետեր Պոլտի լիազորությունները։
Շույոկն այժմ ունի հինգ օր՝ հաստատելու խորհրդարանի ընդունած որոշումը, որը փաստացի նշանակում է իր իսկ քաղաքական կարիերայի ավարտը, կամ այն ուղարկելու Սահմանադրական դատարանի քննությանը։
Ավելի վաղ Մադյարը հայտարարել էր, որ եթե Շույոկը դիմի Սահմանադրական դատարան, նրա նկատմամբ կսկսվի իմփիչմենթի գործընթաց։
Շույոկը համարվում է նախկին վարչապետ Վիկտոր Օրբանի համախոհը․ Օրբանն իշխանությունից հեռացել է այս տարվա ապրիլին։
