«Պարտությունը դժվար է ընդունել»․ Մակրոնը՝ Ֆրանսիա-Իսպանիա հանդիպման մասին
Ֆրանսիայի ազգային հավաքականը չկարողացավ երրորդ անգամ անընդմեջ նվաճել աշխարհի առաջնության եզրափակիչի ուղեգիր. գրում է ArmSport-ը։
«Կիսաեզրափակիչում Դիդիե Դեշամի գլխավորած թիմը 0-2 հաշվով պարտվեց Իսպանիային։ Ազգային ընտրանու անհաջողությանն արձագանքել է Ֆրանսիայի նախագահ Էմանուել Մակրոնը։
«Շնորհավորում եմ Իսպանիային եզրափակիչ դուրս գալու կապակցությամբ։ Շնորհակալություն Ֆրանսիայի հավաքականին այն բանի համար, որ ֆուտբոլիստներն անմնացորդ նվիրումով պաշտպանեցին մեր գույները։ Այս պարտությունը դժվար է ընդունել, սակայն մեր թիմը երիտասարդ է և լի է ներուժով»,- սոցիալական ցանցերում գրել է Մակրոնը։
Այժմ Ֆրանսիայի ընտրանին կնախապատրաստվի երրորդ տեղի համար հանդիպմանը, որտեղ կմրցի Անգլիա-Արգենտինա զույգի պարտվողի դեմ»,- նշում է լրատվամիջոցը։
