ԱՄՆ-ն իրանական միջոցների հաշվին կփոխհատուցի նավերին հասցված վնասները․ Թրամփ
ԱՄՆ նախագահ Դոնալդ Թրամփը հայտարարել է, որ առևտրային նավերին կամ բեռներին հասցված ցանկացած վնաս կփոխհատուցվի ԱՄՆ-ում սառեցված իրանական միջոցներից։
ԱՄՆ ղեկավարը համապատասխան հայտարարություն տեղադրել է Truth Social-ում։
«Այս հայտարարությունը ծառայում է որպես ծանուցում այն մասին, որ այսուհետ և մինչև հետագա ծանուցում, նավերին, բեռներին կամ դրանց հետ կապված ցանկացած վնաս կփոխհատուցվի ԱՄՆ-ի կողմից պահվող և վերահսկվող իրանական միջոցներից։ Այս վնասները կարող են շատ նշանակալի լինել, բայց այնուամենայնիվ, սա արդար և արդարացված քայլ է», – հայտարարել է Թրամփը։
Ի պատասխան Թրամփի հայտարարության՝ Իրանի արտաքին գործերի նախարար Աբբաս Արաղչին հայտարարել է, որ ակտիվների բռնագրավումը՝ նավագնացության վնասը փոխհատուցելու համար, «հրկիզող նախադեպ» է։
«Նրանք, ովքեր տոնում կամ շահույթ են ստանում նման միջոցներից, պետք է հիշեն. երբ կառավարությունները նորմալացնում են բռնագրավումը, ոչ մեկի ակտիվներն անվտանգ չեն։ Հետագա քաոսը գեղեցիկ կամ խաղաղ չի լինի», – հավելել է նա։
