«Հեռո՛ւ մնացեք ԱՄՆ ռազմական օբյեկտներից»․ ԻՀՊԿ-ն՝ Մերձավոր Արևելքի երկրների բնակիչներին

Իրանի Իսլամական հեղափոխության պահապանների կորպուսը Մերձավոր Արևելքի երկրների բնակիչներին կոչ է արել հեռու մնալ ԱՄՆ ռազմական օբյեկտներից և այն վայրերից, որտեղ ամերիկացի զինծառայողներ կան․ գրում է Mehr-ը։

ԻՀՊԿ-ի հայտարարության մեջ ասվում է, որ անվտանգության նկատառումներից ելնելով՝ հորդորում են՝ նվազագույնը 500 մետր հեռավորություն պահպանել այն շենքերից ու տարածքներից, որտեղ կարող են ամերիկացի զինվորներ լինել։