Իշխանությունների կողմից ևս մի հարձակում Ռոբերտ Քոչարյանի ու նրա ընտանիքի վրա․ ռուսական մամուլի անդրադարձը

Ռուսական մամուլը լայնորեն անդրադարձել է ՀՀ երկրորդ նախագահ Ռոբերտ Քոչարյանին և նրա ավագ որդուն ՀՀ հակակոռուպցիոն կոմիտե տեղափոխելուն, ինչպես նաև անցկացվող խուզարկություններին։

Ինչպես գրում է РИА Новости-ն, Հայաստանի ուժայինները խուզարկություն են անցկացնում նաև «Պռեգոմեշ» ընկերությունում, որը պատկանում է երգչուհի Սիրուշոյին՝ Ռոբերտ Քոչարյանի հարսին։

Известия-ն գրում է, որ խուզարկությունները և Ռոբերտ Քոչարյանին կոռուպցիայի դեմ պայքարի կոմիտե տեղափոխելը տեղի են ունեցել Հայաստանի իշխանությունների և ընդդիմության միջև շարունակվող առճակատման ֆոնին։ Հուլիսին ընդդիմադիր քաղաքական ուժերը հայտարարել էին քաղաքական դիմադրության նոր, ավելի լայնածավալ և համակարգային փուլի մասին՝ խորհրդարանական ընտրությունների արդյունքների դեմ բողոքարկումների վերաբերյալ Սահմանադրական դատարանի որոշումից հետո։

ТАСС-ը գրում է, որ Հայաստանի կոռուպցիայի դեմ պայքարի կոմիտեն մեղադրում է նախկին նախագահին իր պաշտոնական դիրքն օգտագործելով իջեցված գնով գույք ձեռք բերելու համար։ Նշվում է, որ Հայաստանի նախկին նախագահ և «Հայաստան» ընդդիմադիր դաշինքի առաջնորդ Ռոբերտ Քոչարյանը ձերբակալվել է Նիկոլ Փաշինյանի անմիջական հրամանով։

Газета.ru-ն գրում է, որ այս քայլը դարձել է «իշխանությունների կողմից ևս մի հարձակում» Քոչարյանների և նրա ընտանիքի վրա։

Թեմային անդրադարձել են նաև РБК-ն, Коммерсантъ-ը, RT-ն և այլ ռուսական լրատվամիջոցներ։