Գագիկ Խաչատրյանին խոշտանգում են. ահազանգ՝ պաշտպաններից
Գագիկ Խաչատրյանին դատարան են տեղափոխել պատգարակով, իսկ Հակակոռուպցիոն դատարանը նրան երկու ամսով կալանավորել է։ ՊԵԿ նախկին նախագահի առողջական վիճակի վերաբերյալ պաշտպանների և դատախազության ներկայացրած գնահատականները էապես տարբեր են։ Խաչատրյանի մոտ տարիներ շարունակ արձանագրվել են մի շարք առողջական խնդիրներ, այդ թվում՝ ողնաշարի ստենոզ, ռադիկուլոպաթիա, շարժողական ֆունկցիայի խանգարում, ծնկահոդերի դեֆարթրոզ և գլխուղեղի իշեմիկ ախտահարում։
Պաշտպանները պնդում են, որ նա անհապաղ բուժման կարիք ունի, մինչդեռ դատախազությունը հղում է անում նոր դատաբժշկական փորձաքննությանը։ Խաչատրյանի՝ պատգարակով դատարան տեղափոխվելուց հետո հարցը ուսումնասիրում է նաև Մարդու իրավունքների պաշտպանի գրասենյակը։
