Գիշերը Նոր Նորքում հրդեհ է եղել

Այսօր՝ նոյեմբերի 3-ին, խոշոր հրդեհ է տեղի ունեցել Երևանում. գրում է shamshyan.com-ը։

«Ժամը 03:55-ի սահմաններում ՀՀ Ներքին գործերի նախարարության 112 օպերատիվ կառավարման կենտրոն ահազանգ է ստացվել, որ հրդեհ է բռնկվել Նոր Նորք վարչական շրջանի Գայի պողոտայում գործող «Պալաս» առևտրի կենտրոնում։

Դեպքի վայր են ժամանել Երևանի տարբեր հրշեջ-փրկարարական ջոկատներից 4 մարտական հաշվարկ։ Տեղում հայտարարվել է հրդեհի վտանգավորության «ԲԻՍ 1» աստիճան։

Տեղում պարզվել է, որ հրդեհը բռնկվել է նշված առևտրի կենտրոնի տաղավարներում։

Ըստ նախնական տեղեկությունների՝ բարեբախտաբար տուժածներ չկան, սակայն առևտրի կենտրոնին պատճառվել է խոշոր չափի նյութական վնաս»,- նշում է լրատվամիջոցը։