Միացյալ Նահանգները զորք չի ուղարկի Ուկրաինա, սակայն, կշարունակի աջակցել Ուկրաինային. hայտարարել է ԱՄՆ նախագահ Ջո Բայդենը:
«Եթե ԱՄՆ-ն Ուկրաինային տրամադրի իրեն պաշտպանելու համար անհրաժեշտ զենք, ապա նա կկարողանա հաղթել Ռուսաստանին, իսկ Կիևին օգնության տրամադրման արգելափակման դեպքում ԱՄՆ֊ն կկորցնի համաշխարհային առաջնորդությունը»,- ասել է նա:
Դիմելով Կոնգրեսին՝ Բայդենն ասել է, որ պետք է դեմ կանգնել Պուտինին:
«Եթե Միացյալ Նահանգները հիմա նահանջեն, դա Ուկրաինային վտանգի տակ կդնի: Եվրոպան վտանգի տակ է, ազատ աշխարհը վտանգի տակ է, ինչը քաջալերում է նրանց, ովքեր ցանկանում են մեզ վնաս հասցնել: Նախագահ Պուտինին ուղղված իմ ուղերձը պարզ է՝ չենք նահանջելու, մենք չենք հանձնվի, ես չեմ հանձնվի», – վստահեցրել է Ջո Բայդենը:
