Լեհ ֆերմերները դադարեցրել են Ուկրաինայի հետ սսահմանի Յագոդին-Դորոգուսկ անցակետում ուղևորատար ավտոբուսների տեղաշարժը, հաղորդում է ուկրաինական Strana պարբերականը։
Նշվում է, որ դադարեցվել է ավտոբուսների շարժը ինչպես Ուկրաինայից Լեհաստան, այնպես էլ հակառակ ուղղությամբ:
Ֆերմերների համազգային բողոքի ակցիան սկսվել է փետրվարի 9-ին։ Լեհաստանի ֆերմերները բողոքի ցույցեր են անցկացնում ամբողջ երկրում՝ արգելափակելով ճանապարհներ ու Ուկրաինայի հետ սահմանի անցակետերը։
Անհայտ անձինք արդեն մի քանի անգամ հացահատիկ են թափել ուկրաինական բեռնատարներից և երկաթուղային վագոններից։ Ցուցարարների հիմնական պահանջներն են՝ դադարեցնել Ուկրաինայից գյուղատնտեսական ապրանքների ներմուծումը Լեհաստան և հրաժարվել Եվրամիության բնապահպանական ծրագրերից, որոնցով նախատեսում է մինչև 2050 թվականը զրոյացնել մթնոլորտ արտանետումների ծավալը։
