Լիբանանի հարավային շրջանների հրետակոծության հետևանքով ՄԱԿ-ի չորս դիտորդ է վիրավորվել: Այս մասին հայտնում է Reuters գործակալությունը՝ հղում տալով Լիբանանում տեղակայված ՄԱԿ-ի առաքելության (UNIFIL) ներկայացուցիչներին։
Գործակալության աղբյուրներն ավելի վաղ հայտնել էին, որ ՄԱԿ-ի դիտորդներին տեղափոխող մեքենային թիրախավորած հարվածի հեղինակը Իսրայելի բանակն է։
Իսրայելի պաշտպանության բանակը հերքել է այս մեղադրանքները՝ նշելով, որ Լիբանանի հարավային շրջաններին մարտի 30-ին հասցված հարվածներին որևէ առնչություն չունի։
