2024 թվականի ապրիլի մեկից ֆիզիկական անձանց կողմից անձնական օգտագործման ապրանքների առցանց գնման դեպքում անմաքս առևտրի սահմանաչափը նվազեցվել է։ ՀՀ մաքսային կարգավորումները բխում են ԵԱՏՄ օրենսդրությունից, ուստի ԵԱՏՄ-ում որոշվել է ապրիլի մեկից 1000 Եվրոյի փոխարեն սահմանել 200 եվրոյի շեմ։
Սրա շեմի բարձրացման մասին ԵԱՏՄ-ն որոշում էր կայացրել դեռ 2022 թվականին՝ ելնելով Ռուսաստանի նկատմամբ կիրառվող տնտեսական պատժամիջոցներից, որոնց պատճառով մի շարք ապրանքներ ռուսական շուկայում չկային․ փակվել էին բրենդային խանութները և այլն։ Արդեն հիմա վերադարձել ենք հին կարգավորմանը, ըստ որի՝ արտասահմանից առանց հարկերի առցանց գնումներ կարելի է անել մեկ գործարքի համար մինչև 200 եվրոյի չափով։ Ի՞նչ կտա սա Հայաստանին, ո՞րն է այս կարգավորման դրական և բացասական կողմերը․ մանրամասները՝ տեսանյութում։