Հնդկաստանը հայտարարել է Հայաստանին մինչև 2024 թվականի վերջը Akash-1S զենիթահրթիռային համակարգեր մատակարարելու մասին․ հայտնում է Indian Defense Research Wing-ը։
«Սա կարևոր հանգրվան է երկրի պաշտպանական արտահանման համակարգի համար, քանի որ Հայաստանը դառնում է այս նորացված հրթիռային համակարգի առաջին միջազգային գնորդը», – նշում է պորտալը։
Akash-ը կարճ հեռահարության շարժական հրթիռային համակարգ է, որն արտադրվում է Bharat Dynamics Limited (BDL) ընկերության կողմից: Համալիրը կարող է միաժամանակ մի քանի թիրախներ խոցել (թշնամու հրթիռներ, ինչպես նաև ուղղաթիռներ, կործանիչներ և անօդաչու սարքեր 4-ից 25 կմ շառավղով):
