Լիտվայի կառավարությունը հրաժարական է ներկայացրել
Լիտվայի նախարարների կաբինետը ողջ կազմով հրաժարականի մասին դիմում է ներկայացրել. ավելի վաղ նման որոշում էր կայացրել վարչապետ Գինտաուտաս Պալուցկասը:
«Ես կցանկանայի անկեղծորեն շնորհակալություն հայտնել Լիտվայի ժողովրդին, կառավարության թիմին, մեր սոցիալական գործընկերներին և բոլոր նրանց, ում հետ ես պատիվ եմ ունեցել աշխատել։ Չնայած զգալի մարտահրավերներին՝ մենք կարողացել ենք արդյունավետորեն համագործակցել՝ գտնելով ընդհանուր լեզու հիմնական հարցերի շուրջ և իրականացնելով նախաձեռնություններ, որոնք օգուտ են բերել երկրին և նրա քաղաքացիներին։ Ես կասկած չունեմ, որ այս կարևոր աշխատանքը հաջողությամբ կշարունակվի նաև ապագայում», – ասել է Պալուցկասը։
Կառավարության հրաժարականը տեղի ունեցավ աղմկահարույց կոռուպցիոն բացահայտումների ֆոնին. նախկին վարչապետ Գինտաուտաս Պալուցկասին կասկածում են պետական միջոցները յուրացնելու և իր ընկերությանը արտոնյալ պայմաններով վարկեր տրամադրելու համար:
