Գերմանիայում գնացքը դուրս է եկել ռելսերից․ կան զոհեր
Գերմանիայի հարավ-արևմուտքում գնացքի ռելսերից դուրս գալու հետևանքով զոհվել է երեք մարդ, իսկ 50-ից ավելին վիրավորվել է։
Գնացքը վթարի է ենթարկվել Զիգմարինգեն-Ուլմ երթուղում՝ կիրակի երեկոյան։
Վաղ առավոտյան փրկարարական ծառայության ղեկավար Շառլոտ Զիլլերը մամուլին հայտնել է, որ ռելսերից դուրս գալու վայրում փրկարարական աշխատանքներն ավարտվել են։
«Մեր տեղեկություններով՝ վագոններում այլևս մարդիկ չեն մնացել, և բոլորը բժշկական օգնություն են ստացել», – ասել է Զիլլերը։
Վթարից կարճ ժամանակ առաջ տեղում փոթորիկ է եղել, և ենթադրվում է, որ այն ողողել է ամբարտակը, ինչի հետևանքով գնացքը դուրս է եկել ռելսերից։
