Մենք այսօր թակարդի մեջ ենք, և այդ թակարդի պանիրն էլ մենք ենք․ Գագիկ Ծառուկյան
Այսպիսի վախի մթնոլորտ պատմության մեջ չի եղել՝ մարդկանց բռնեն, տանեն, վախեցնեն, չի եղել, բայց սա ժամանակավոր բնույթ է կրում․ այսօր «Բարգավաճ Հայաստան» կուսակցության քայլերթի ժամանակ ասաց կուսակցության առաջնորդ Գագիկ Ծառուկյանը։
«Իրենց ոտի տակից հողը գնում է, սա պահելն անհնար է, այս վերջին մեկ ամսվա քարոզարշավի ընթացքում արդեն նկատել եմ, որ երկրի վիճակը բարդացել է, և մեր դիրքերը թուլացել են։ Ես 100 անգամ ասել եմ, որ մենք պետք է չխառնվենք գերտերությունների հարցերին։ Մենք այսօր թակարդի մեջ ենք, և այդ թակարդի պանիրն էլ մենք ենք, ինչի՞ համար կռվախնձոր դառնանք։ Դրանից մեր ժողովուրդն ի՞նչ է շահելու»,- ասաց Գագիկ Ծառուկյանը։
