Իմաստուն խաղադրույք կլինի այնպիսի քաղաքականությունը, որը ՀՀ-ն կդարձնի կամուրջ, այլ ոչ թե մարտադաշտ․ միջազգային մամուլ
Ընտրություններից առաջ ընդդիմության դեմ ուղղված մի քանի ձերբակալություններ են տեղի ունեցել, ինչն, ըստ Եվրոպայի անվտանգության և համագործակցության կազմակերպության ընտրությունների դիտորդների, նպաստել է ընտրողական արդարադատության ընկալմանը․ գրել է Sky News-ը։
Responsible Statecraft-ը նշել է, որ վերջին մի քանի տարիների ընթացքում Ադրբեջանն ու Թուրքիան հաջողությամբ ամրապնդել են իրենց դիրքերը Հարավային Կովկասում՝ Ռուսաստանի և, ավելի փոքր չափով, Իրանի հաշվին։
ԱՄՆ-ն և Եվրամիությունն այժմ ձգտում են օգտվել այս հաջող առաջընթացից և առաջ մղել զարգացումները։
TRIPP-ը զգալի ազդեցություն է ունեցել Հարավային Կովկասի և տարածաշրջանի աշխարհաքաղաքական կողմնորոշման ապագա ընկալումների վրա։ Թրամփի վարչակազմը մեծապես խուսափել է Իրանի սահմանի երկայնքով և Ռուսաստանի այսպես կոչված մերձավոր արտասահմանում նախագիծը որպես Թեհրանի կամ Մոսկվայի դեմ ուղղված ռազմավարական քայլ ներկայացնելուց։ Մինչդեռ Փաշինյանը և նրա իշխող կուսակցությունը խոսում են ԵՄ ապագայի մասին, ճշմարտությունն այն է, որ անդամակցությունը դեռ շատ հեռու է։ Այստեղ և հիմա բոլոր ուղղություններով գործնական տնտեսական հարաբերությունների պահպանումը Հայաստանի լավագույն շահերից է բխում։
Ռուսաստանի արձագանքները Հայաստանի՝ ԵՄ-ին միանալու քայլերին՝ թե՛ խորհրդանշական, թե՛ գործնական, ծայրահեղ և հակաարդյունավետ են եղել։ Հաջորդ հինգ տարիները կլինեն հեռահար ազդեցություն ունեցող՝ Հայաստանի ապագայի հետագծի առումով։ Արտաքին գործոնների շարունակական ազդեցությունը՝ ներքին դինամիկայի հետ մեկտեղ, այս հետագիծը գրեթե անհնար է դարձնում կանխատեսել:
Ըստ հոդվածի՝ բավականին իմաստուն խաղադրույք կլինի այնպիսի քաղաքականության իրականացումը, որը Հայաստանը կդարձնի կամուրջ, այլ ոչ թե՝ մարտադաշտ, և ոչ միայն Երևանի համար։
The New York Times-ը գրել է, որ Փաշինյանի հաղթանակը եզրափակեց դաժան նախընտրական քարոզարշավը, որի ընթացքում Հայաստանի իշխանությունները ձերբակալեցին ընդդիմության անդամներին՝ ընտրակաշառքի, խռովարարության և ֆինանսական հանցագործությունների մեղադրանքներով: Ընդդիմությունը մեղադրեց Փաշինյանին իր քաղաքական հակառակորդներին հետապնդելու և օրինական այլախոհությունը ճնշելու մեջ:
Կյաքը հիշեցրել է, որ չնայած Հայաստանն ու Ադրբեջանն անցյալ տարի Վաշինգտոնում բանակցել են խաղաղության համաձայնագրի շուրջ, վերջնական համաձայնագիրը դեռևս չի ստորագրվել: Ազգերը լիովին չեն համաձայնեցրել նաև համաձայնագրից բխող սահմանը:
Համաձայնագիրը վերջնականապես հաստատելու համար Ադրբեջանը պահանջում է իրականացնել սահմանադրության փոփոխություններ, ինչի համար Հայաստանի խորհրդարանի 2/3–ի համաձայնությունն է պետք։ Փաշինյանի կուսակցությունը, կարծես, չի հասնել դրան: Խորհրդարանում ընդունվելուց հետո ցանկացած փոփոխություն պետք է անցնի նաև հանրաքվեի:
