Եվրոպացիների միայն 11 %-ն է ԱՄՆ-ին դաշնակից համարում

Եվրոպական 15 երկրների բնակիչների միայն 11%-ն է Միացյալ Նահանգներին համարում դաշնակից․ գրում է Reuters գործակալությունը՝ հղում անելով Եվրոպական արտաքին հարաբերությունների խորհրդի հարցմանը։ 

Նշվում է, որ սա պատմական նվազագույն ցուցանիշ է, որը նվազել է կես տարի առաջ գրանցված 16%-ից և 2024 թվականի նոյեմբերին գրանցված 22%-ից։

Նշվում է, որ G7-ի և ՆԱՏՕ-ի գագաթնաժողովներից առաջ հրապարակված արդյունքները ցույց են տալիս, որ Եվրոպայում նվազում է վստահությունը Վաշինգտոնի նկատմամբ՝ որպես վստահելի անվտանգության գործընկերոջ։ Հարցման մասնակից բոլոր երկրներում հարցվածների մեծամասնությունը կասկած է հայտնել, որ հնարավոր հարձակման դեպքում ԱՄՆ-ն իրենց կօգնի։