Չինացին բանտարկվել է մաքսանենգ ճանապարհով Քենիայից 2200 մրջյուն դուրս բերելու փորձի համար

Ապրիլի 15–ին Քենիայի դատարանը չինացի մի տղամարդու 1 միլիոն շիլինգի (7746 դոլար) տուգանք և 12 ամսվա ազատազրկման դատապարտեց՝ երկրից կենդանի մրջյուններ մաքսանենգ ճանապարհով դուրս բերելու փորձի համար։

Գործով զբաղվող դատավորը նշել է, որ խիստ պատիժ է անհրաժեշտ որպես զսպող միջոց՝ հաշվի առնելով Քենիայում մրջյունների ապօրինի շրջանառության դեպքերի ալիքը։

Չինացի Չժան Կեկունը ձերբակալվել էր անցյալ ամիս Նայրոբիի գլխավոր միջազգային օդանավակայանում՝ իր ուղեբեռում ավելի քան 2200 կենդանի մրջյուններ պահելու համար։