Պակիստանի և Չինաստանի ԱԳ նախարարները քննարկել են Իրանի շուրջ հակամարտությունը
Պակիստանի արտաքին գործերի նախարար Իսհակ Դարը և նրա չինացի գործընկեր Վան Ին քննարկել են Մերձավոր Արևելքում ստեղծված իրավիճակը և Իրանի շուրջ հակամարտության լուծմանն ուղղված Իսլամաբադի ջանքերը․ հայտնել են Պակիստանի արտաքին գործերի նախարարությունից։
«Կողմերն ընդգծել են հրադադարի պահպանման և Հորմուզի նեղուցով նավագնացության բնականոն ընթացքի ապահովման կարևորությունը», – ասվում է հայտարարության մեջ։
Նշենք, որ զրույցը տեղի է ունեցել այս շաբաթ Պեկինում ԱՄՆ նախագահ Դոնալդ Թրամփի և Չինաստանի նախագահ Սի Ցզինպինի միջև բանակցություններին ընդառաջ։
