Ի՞նչ է խոստացել նոր վարչապետը բրիտանացիներին
Մեծ Բրիտանիայի նոր վարչապետ Էնդի Բըրնհեմի կառավարությունը կնվազեցնի էլէկտրաէներգիայի համար գանձվող հարկերը։ Reuters-ի փոխանցմամբ՝ այս մասին հայտարարել է Դաունինգ սթրիթը՝ նշելով, որ վարչապետը փորձում է իրականացնել կյանքի թանկացման ճգնաժամը մեղմելու, կյանքի որակը բարելավելու և մեկ տասնամյակ տևած քաղաքական անկայունությանը վերջ դնելու իր խոստումները։
«Վեսթմինսթերը (Մեծ Բրիտանիայի քաղաքական համակարգը – խմբ․) շատ երկար ժամանակ չի աշխատել մարդկանց շահերից ելնելով, մինչ ընտանիքները պայքարում են կյանքի թանկացման հետևանքով առաջացած դժվարությունների դեմ։ Այսպես այլևս չի կարող շարունակվել», – հայտարարել է Բըրնհեմը։
Հիշեցնենք, որ Բըրնհեմն արդեն կատարել է նախարարների նշանակումները՝ ձևավորելով երկրի նոր կառավարությունը։
