Աբխազիայում մեկնարկել է նախագահական ընտրությունների երկրորդ փուլը

Աբխազիայում մեկնարկել է նախագահական ընտրությունների երկրորդ փուլը։ Պետության ղեկավարի թեկնածուներն են նախկին փոխնախագահ Բադրա Գյունբան , ով փետրվարի 15-ին կայացած առաջին փուլում հավաքել է ձայների 46,38%-ը և նախկին փոխվարչապետ Ադգուր Արձինբան ՝ 36,92%-ը։

Հանրապետության ընտրատեղամասերը բաց են ժամը 8:00-20:00 (Մոսկվայի ժամանակով): Ռուսաստանում գործում է երկու ընտրատեղամաս՝ Մոսկվայում և Չերքեսկում։

Ինչպես նշել է Կենտրոնական ընտրական հանձնաժողովի նախագահ Դմիտրի Մարշանը, «երկրորդ փուլում ընտրված է համարվում այն թեկնածուն, որը մյուս թեկնածուի նկատմամբ ընդհանուր առմամբ ավելի շատ ձայներ է հավաքել ընտրողների կողմից և «բոլորին դեմ» տրված ձայների քանակով»։

Կրկնակի քվեարկությունը համարվում է կայացած, եթե ընտրություններին մասնակցել է ընտրացուցակներում ընդգրկված քաղաքացիների առնվազն 25%-ը։ Ընտրացուցակներում կա 143 960 մարդ։

Հիշեցնենք, որ առաջին փուլն անցկացվել էր փետրվարի 15-ին։