Հայաստանը կարող է լինել հաջորդ դոմինոն, որը կընկնի․ The Telegraph

Ուկրաինայի նախագահ Վլադիմիր Զելենսկին ուրբաթ այցելել է Սպիտակ տուն՝ երկու երկրների միջև տնտեսական գործարքի մանրամասները պարզելու հույսով։ Պլանը մշակվում էր այս ամսվա սկզբին ԱՄՆ ֆինանսների նախարար Բեսենտի՝ Կիև կատարած այցից հետո: Այնուամենայնիվ, հանդիպումն ավարտվել է Թրամփի, Զելենսկիի և փոխնախագահ Վանսի բղավոցներով. գրել է The Telegraph-ը։

ԵՄ-ի և ՆԱՏՕ-ի միջոցով Արևմուտքին միանալու Զելինսկիի ձգտումը, կարծես, ավերակի է վերածվել: Նախագահ Թրամփը հարվածել է Եվրոպայի հետպատերազմյան անվտանգության ճարտարապետությանը, ՆԱՏՕ-ի պարտավորություններին, որոնք պահպանել են խաղաղությունը 80 տարի շարունակ։ Ըստ հոդվածի՝ Զելենսկին մռայլությունից դուրս կգա որպես Թրամփի նոր լավագույն ընկեր: Բայց ոչ ոք այլևս դրա վրա խաղադրույք չի կատարում: Այդուամենայնիվ, խոսքը միայն Ուկրաինայի մասին չէ։ Ինչպես նշվել է, փոքր երկրները կարևոր են նրանով, որ կարող են սկսել ամենասարսափելի բախումները։

Օրինակ՝ Ադրբեջանը՝ Հայաստանի անմիջական հարևանը, հինգ տարի առաջ հակամարտություն է սկսել։ Մուսուլման թշնամին հաղթեց մոլորակի ամենահին քրիստոնեական երկրին։ Երկու տարի առաջ՝ ճակատամարտի վերջին դրվագում, ավելի քան 120,000 քրիստոնյաներ ստիպված են եղել լքել իրենց պատմական հայրենիքը: Աշխարհը ոչինչ չարեց ադրբեջանական ագրեսիան կասեցնելու համար։ Բայց այս ամենը դեռ չի ավարտվել։ Ադրբեջանն այժմ զենքի և փամփուշտների վրա ծախսում է Հայաստանից գրեթե յոթ անգամ ավել: «Ի՞նչ է լինելու հետո։ Եվս մեկ պատերա՞զմ, որին այս անգամ ավելի անմիջականորեն ներգրավված է լինելու Ռուսաստանը», – նշվել է հոդվածում և ընդգծվել, որ Հայաստանը կարող է լինել հաջորդ դոմինոն, որը կընկնի: Ինչպես նշվել է հայերը փոփոխությունների կարոտ են. այնտեղ արևմտամետ տրամադրություններն ավելի ուժեղ են, քան երբևէ: Շեշտվել է, որ հայերը պատրաստ են և կարող են պաշտպանել իրենց հայրենիքը՝ քրիստոնեական քաղաքակրթության բնօրրանը, բայց օգնության ձեռքի կարիք ունեն: Արևմուտքը չպետք է անտեսի նրանց ծանր վիճակը։