ԵՄ առաջնորդները կքննարկեն Ուկրաինային հետագա աջակցության տարբերակները
Եվրամիության առաջնորդները հինգշաբթի կհանդիպեն Բրյուսելում՝ քննարկելու պաշտպանության վերաբերյալ մի շարք հարցեր։ Այս առնչությամբ՝ Ֆրանսիայի նախագահ Էմանուել Մակրոնը նախազգուշացրել է, որ մայրցամաքը գտնվում է «պատմության շրջադարձային կետում»․ գրում է BBC-ն։
Բացի ԵՄ-ի վերազինման հարցից, առաջնորդները կքննարկեն, թե կազմակերպությունն ինչպես կարող է հետագա աջակցություն ցույց տալ Կիևին՝ ԱՄՆ նախագահ Դոնալդ Թրամփի՝ Ուկրաինային օգնությունը դադարեցնելու մասին հայտարարության ֆոնին: Հանդիպմանը հրավիրված է Ուկրաինայի նախագահ Վլադիմիր Զելենսկին։ Հիշեցնենք, որ ԱՄՆ ազգային անվտանգության հարցերով խորհրդական Մայք Ուոլցը հաստատել է, որ ԱՄՆ-ը դադարեցրել է նաև Ուկրաինայի հետ հետախուզական տեղեկատվության փոխանակումը։
