Ուկրաինայի և ԱՄՆ-ի պատվիրակությունները Ալ-Ռիադում սկսել են բանակցությունները անվտանգության հարցերով
Ուկրաինայի պաշտպանության նախարար Ռուստեմ Ումերով տեղեկացրել է, որ Ուկրաինայի և ԱՄՆ-ի պատվիրակությունների բանակցությունները սկսվել են Ալ Ռիադում:
Նրա խոսքով՝ քննարկման հիմնական թեմաներից են էներգետիկ և ենթակառուցվածքային օբյեկտների անվտանգության ապահովման առաջարկները։
«Մենք սկսել ենք հանդիպումը ամերիկյան թիմի հետ Ալ-Ռիադում։ Մենք իրականացնում ենք Ուկրաինայի նախագահի հրահանգը՝ հասնելու արդար խաղաղությանը և անվտանգության ամրապնդման ուղղությամբ։
Օրակարգում ընդգրկված են առաջարկներ՝ էներգետիկ օբյեկտների և կենսական նշանակության ենթակառուցվածքների պաշտպանության համար։
Այսօր մենք քննարկում ենք մի շարք բարդ տեխնիկական հարցեր․ մեր պատվիրակության կազմում ընդգրկված են ինչպես էներգետիկայի փորձագետներ, այնպես էլ ռազմածովային և ռազմաօդային ուժերի ներկայացուցիչներ»,- ասել է Ռուստեմ Ումերովը:
