Պակիստանը թշնամու դեմ պայքարել գիտի. վարչապետ
«Պակիստանը լիակատար իրավունք ունի վճռական պատասխան տալու այս պատերազմական գործողությանը, որը Հնդկաստանը մեզ պարտադրում է։ Այդ պատասխանը հիմա տրվում է». այս մասին X միկրոբլոգում գրել է Պակիստանի վարչապետ Շահբազ Շարիֆը։
Նա հայտարարել է, որ երկիրը ընդամենը պատասխանում է Հնդկաստանի հարձակմանը։
«Ամբողջ երկիրը կանգնած է Պակիստանի զինված ուժերի կողքին։ Մեր ազգի բարոյական ոգին և պայքարի ոգին բարձր է։ Պակիստանի ժողովուրդը և զինված ուժերը գիտեն, թե ինչպես պայքարել թշնամու դեմ։ Մենք երբեք թույլ չենք տա, որ թշնամին հաջողի իր սրիկայական նպատակներում»,- գրել է նա։
