Առաջարկել եմ պարգևատրել ու պետական պարգևի արժանացնել «հեղաշրջման փորձը» կանխողներին. Նիկոլ Փաշինյանի ելույթի առանցքային կետերը
Այսօր խոսել եմ նախագահ Վահագն Խաչատուրյանի հետ, առաջարկել եմ Դատախազության, ՆԳՆ ոստիկանության, ՔԿ առավել ակտիվ անդամներին պարգևատրել «հեղաշրջման փորձը» կանխելու համար, նաև՝ պետական պարգևի արժանացնել նրանց։
Կա մի խումբ, որ երեկ կանխված «հեղաշրջման փորձը» համեմատում է 1997 թվականի հոկտեմբերի 27-ի հետ։ Մի խումբ էլ կա, որ հարցադրում է կատարել՝ 1997 թվականին մեր իրավապահ մարմինները արդյոք չե՞ն կարողացել կանխել այդ փորձը։ Հարցադրմանը շուտով մեր իրավապահ համակարգը կարձագանքի։
Էլեկտրաէներգիայի արտադրությունը նվազել է մայիսին։ Պատճառը ինքնավար կայանների արտադրած էլեկտրաէներգիան է։ Վերականգնվող արևային էներգիայի շնորհիվ ատոմային 2 հզորությամբ մենք արևային հզորություններ ենք գեներացրել։ Սա համարում եմ լուրջ ձեռքբերում։ Չնկատելով՝ երկու ատոմակայան ենք ստացել և հարց է՝ այդ ատոմակայանները ո՞նց կառավարել։
Մայիսին տնտեսական լավ ցուցանիշներ ենք արձանագրել։ Բարեփոխումների, հայեցակարգային մոտեցումների ձևակերպումների շնորհիվ մեր տնտեսությունը ճկունության որոշակի դրսևորումներ է ցուցադրում։ Այստեղ նաև գործարարների դերն է կարևոր։ Նախորդ տարվա մայիսի նկատմամբ 10,4% տնտեսական աճ է գրանցվել։ Բացի այդ՝ աշխատատեղերի գրանցման բացառիկ աճ ենք գրանցել։
