Միջուկային օբյեկտների ռմբակոծությունը չպետք է դառնա սովորական երևույթ, միջազգային պրակտիկայի առօրյա. Զախարովա
Իրանին ուղղված նոր հարվածներ հասցնելու պարբերական սպառնալիքները չեն կարող լուրջ մտահոգություն չառաջացնել, իսկ միջուկային օբյեկտներին հարվածելու ռիսկերը չեն կարող անտեսվել. հայտարարել է Ռուսաստանի Արտաքին գործերի նախարարության պաշտոնական ներկայացուցիչ Մարիա Զախարովան։
«Իրանին ուղղված միջուկային օբյեկտներին նոր հրթիռային և ռումբային հարվածներ հասցնելու պարբերական սպառնալիքները չեն կարող լուրջ մտահոգություն չառաջացնել։ Նման հայտարարությունների ցինիզմն ավելանում է այն փաստով, որ դրանք արվում են միջուկային զենքի չտարածման վերաբերյալ երևակայական մտահոգության քողի տակ… Միջուկային օբյեկտների ռմբակոծությունը չպետք է դառնա սովորական երևույթ, միջազգային պրակտիկայի առօրյա։ Դրա հետ կապված աղետալի ռիսկերը չեն կարող անտեսվել, առավել ևս՝ արդարացվել», – նշել է Զախարովան ճեպազրույցի ժամանակ։
