Հայաստանի կառավարության ջանքերը լիովին չեն համապատասխանում թրաֆիքինգի վերացման նվազագույն չափանիշներին. Պետդեպի նոր զեկույցը
ԱՄՆ Պետդեպարտամենտը հրապարակել է «Մարդկանց թրաֆիքինգի»՝ 2024 թվականի զեկույցն, ըստ որի՝ Հայաստանի կառավարության ջաքերը լիովին չեն համապատասխանում թրաֆիքինգի վերացման նվազագույն չափանիշներին: ՀՀ-ն 188 երկրների շարքում, որոնք դասակարգված են երկու մակարդակում, շարունակում է մնալ 2-րդում: Կառավարությունը մի քանի հիմնական ոլորտներում չի բավարարել նվազագույն չափանիշները: Արագ արձագանքման կենտրոնները հետևողականորեն չեն ստուգել խոցելի բնակչության մոտ թրաֆիքինգի առկայության նշանները: Դատախազները կարճել կամ վերադասակարգել են գործերն՝ ապացույցների բացակայության կամ միայն տուժողների ցուցմունքների՝ առանց հաստատող ապացույցների պատճառով: Իրավապահ պաշտոնյաները քրեական դատավարության ժամանակ միշտ չէ, որ ցուցաբերել են զոհակենտրոն մոտեցում։ Կառավարությունը շարունակել է ֆինանսավորել զոհերի աջակցության վերաինտեգրման ծրագրերը, որոնք երբեմն բավարար չեն եղել զոհերի կարիքները լիովին բավարարելու համար:
Փորձագետների կարծիքով՝ որոշ հեռավոր շրջաններում իրավապահները կարող էին չունենալ տեղեկատվության և պատրաստվածություն՝ տուժածներին տեղեկացնելու պաշտպանության կամ օգնության իրենց իրավունքների մասին: Դիտորդները շարունակել են հայտնել, որ հետաքննությունները չեն ներառել գենդերային զգայուն մոտեցումներ, ինչպես օրինակ՝ կին բժիշկների մասնակցությունը դատաբժշկական փորձաքննությանը կին զոհերի հետ: Դիտորդներն ընդգծել են, որ զոհերը վարանում են մասնակցել քրեական դատավարությանը հանրային ցուցմունքներում գաղտնիության բացակայության պատճառով՝ վախենալով, որ իրենց թրաֆիքինգի ենթարկողները կարող են հաշվեհարդար տեսնել իրենց կամ իրենց ընտանիքների հետ կամ կարող են խարանման ենթարկվել իրենց համայնքների կողմից: Կառավարությունը չունի պաշտոնական ծրագիր, որը կօգնի տուժողներին և վկաներին:
Քրեական դատավարության օրենսգիրքը և 2016 թվականի հրամանագիրը պարտավորեցրել են տուժող-վկաների օգնության որոշ միջոցներ, բայց ոչ մեկը չի կիրառվել 2023 թվականին։
Թրաֆիքինգով զբաղվողները շահագործում են որոշ հայ միգրանտների, ովքեր աշխատանք են փնտրում Ռուսաստանում։ Հայ կանայք ենթարկվում են սեռական և աշխատանքային թրաֆիքինգի, այդ թվում՝ հարկադիր մուրացկանության, երկրի ներսում: ՀՀ-ի ներսում թրաֆիքինգի թիրախ են դառնում իրանցի և հնդիկ միգրանտները։ Որոշ երեխաներ աշխատում են գյուղատնտեսության, շինարարության և ծառայությունների ոլորտում, որտեղ նրանք խոցելի են աշխատանքային թրաֆիքինգի համար: Թրաֆիքինգով զբաղվողներն ավելի ու ավելի են օգտագործում սոցիալական ցանցերը։ Ղարաբաղից գործազրկության մեջ գտնվող ավելի քան 100,000 տեղահանվածները և փախստականները ևս խոցելի են թրաֆիքինգի նկատմամբ:
