Երևանն ու Վաշինգտոնը պահպանում են ինտրիգը․ կկնքվի՞ արդյոք ռազմավարական գործընկերության համաձայնագիր մինչև հունվարի 20-ը
Պաշտոնական Երևանը ոչ հաստատել, ոչ հերքել է վերջին լուրերն այն մասին, թե Հայաստանն ու ԱՄՆ-ն առաջիկա օրերին ռազմավարական գործընկերության համաձայնագիր են ստորագրելու, գրել է EADaily-ին: Ինչպես նշվել է, հայ-ամերիկյան հարաբերությունները «ռազմավարական երկխոսությունից» դեպի ռազմավարական գործընկերություն անցան անցյալ տարի, երբ Երևան այցելեց ԱՄՆ պետքարտուղարի Եվրոպայի և Եվրասիայի հարցերով տեղակալ Ջեյմս Օ’Բրայենի գլխավորած միջգերատեսչական պատվիրակությունը։
Ընդգծվել է, որ եթե հայ-ամերիկյան հարաբերությունները ռազմավարական գործընկերության մակարդակի բարձրացնելու փաստաթուղթը ստորագրվի մինչև հունվարի 20-ը՝ հաջորդ նախագահ Դոնալդ Թրամփի երդմնակալության օրը, դա կնշանակի, որ համաձայնագիրը կնքվել է ԱՄՆ հեռացող վարչակազմի հետ։
Այս առնչությամբ՝ վտանգ կա, որ Սպիտակ տանը հանրապետական թիմը հետագայում կվերանայի կամ իսպառ կհրաժարվի այն կյանքի կոչելուց։ Դոնալդ Թրամփն իրականում քիչ պատճառներ կունենա, ի տարբերություն իր նախորդի, Հայաստանը դիտարկելու որպես Միացյալ Նահանգների ռազմավարական գործընկեր։ Աշխարհի խոշորագույն տնտեսության համար Հարավային Կովկասի ամենափոքր տնտեսությունը միայն 167-րդ գործընկերն է փոխադարձ առեւտրի ծավալով։ Հայաստանը մնում է Ռուսաստանի հետ նույն տարածաշրջանային հավաքական անվտանգության համակարգում, թեև նրա անդամակցությունը ՀԱՊԿ-ին անցյալ տարվա հանրապետության ղեկավարության որոշմամբ «սառեցվել» էր անորոշ ժամանակով, և փաստացի դրվել է կազմակերպությունից հնարավոր դուրս գալու հարցը։ Սակայն ուժի մեջ են մնում Երևանի և Մոսկվայի միջև երկկողմ ռազմաքաղաքական պայմանագրերը, ինչպես նաև հայկական Գյումրի քաղաքում 102-րդ ռուսական ռազմակայանի առկայությունը։ Հայաստանի իշխանությունները մտադիր չեն դուրս գալ Եվրասիական տնտեսական միությունից: ԱՄՆ ապագա վարչակազմի համար, ի տարբերություն Ջո Բայդենի հեռացող թիմի, Հայաստանը, ինչպես խոստովանում են նույնիսկ ամերիկամետ երևանյան մեկնաբանները, կորցնում է Անդրկովկասում առաջնահերթ գործընկերոջ կարգավիճակը։
Արդյո՞ք այդ դերը կսանձնի՞ Ադրբեջանը՝ հաշվի առնելով նրա շատ ավելի մեծ տնտեսական գրավչությունը ԱՄՆ «կրկնվող» նախագահի համար, որը մեծ քաղաքականություն է եկել խոշոր բիզնեսից, ցույց կտա ժամանակը։ Բայց արդեն այժմ ակնհայտ ազդանշաններ են հնչում Ադրբեջանի ղեկավարության կողմից, որ նա պատրաստ է արտերկրի հետ հարաբերությունների որակապես նոր մակարդակի՝ ռազմավարական գործընկերության տեսքով։
Ըստ ամենայնի՝ եթե Հայաստանի և ԱՄՆ-ի միջև ռազմավարական գործընկերության փաստաթուղթը ստորագրվի մինչև հունվարի 20-ը, դա կլինի նոր ժեստ Սպիտակ տան հեռացող վարչակազմի կողմից՝ յուրօրինակ «դուռը շրխկացնելու» տեսքով։ Այսպես թե այնպես, Բայդենի վարչակազմն այս ժեստով կարող էր հասկացնել, որ Հայաստանի հետ «ռազմավարական երկխոսությունից» անցումը ռազմավարական գործընկերության հասունացել է, և հնարավորություն կա այն պաշտոնականացնելու մինչև հունվարի 20-ը։ Վաշինգտոնում, սակայն, նախընտրում են առայժմ պահպանել ինտրիգը։
