Բրազիլիայի նախկին նախագահի նկատմամբ տնային կալանք են կիրառել լրագրողների հետ շփման պատճառով

Բրազիլիայի Գերագույն դատարանի դատավոր Ալեքսանդր դե Մորայիսը տնային կալանքի է ենթարկել երկրի նախկին նախագահ (2019-2022) Ժաիր Բոլսոնարոյին։

Ինչպես գրում է բրազիլական Folha de S.Paulo թերթը, նախկին նախագահը տնային կալանքի է ենթարկվել լրագրողների հետ շփման վերաբերյալ դատարանի արգելքը խախտելու համար. դատարանի որոշման ընդունումից երեք ժամ անց Բոլսոնարոն հարցազրույցներ է տվել մի քանի լրագրողների։

Դատարանը նաև արգելել է Բոլսոնարոյին ցանկացած շփում՝ բացառությամբ փաստաբանների և քաղաքական գործչի գործով քննությունը շարունակող անձանց հետ հանդիպումների։

Բոլսոնարոյին կասկածում են պետության ներկայիս ղեկավար Լուիս Ինասիո Լուլա դա Սիլվայի դեմ դավադրության մեջ։