Սաղմոսավանքը յուրահատուկ հոգևոր էներգետիկա ունի. աշխարհի ամենահրաշալի երկրպագության վայրերն ՝ ըստ FT-ի

Financial Times-ի խմբագիրները ներկայացրել են, ըստ իրենց, 32 ակնածանք ներշնչող սրբավայրեր, որոնց թվում է նաև Սաղմոսավանքը։ Ինչպես նկատել են հեղինակները, Հայաստանը լի է վանքերով, որոնք ավելի շատ պատմական նշանակություն ունեն, քան՝ Սաղմոսավանքը։

«Երկրի կենտրոնում գտնվող Գեղարդի միջով աղբյուր է հոսում, և այցելուները ջուրը հավաքում են շշերով՝ հավատալով, որ այն սուրբ է։ Խոր Վիրապը թիկնած է Արարատյան դաշտում՝ Թուրքիայի սահմանի մոտ, և դուք կարող եք իջնել այնտեղ, որտեղ բանտարկվել է Գրիգոր Լուսավորիչը՝ սուրբը, ով Հայաստանը դարձրել է առաջին պետությունը, որն ընդունել քրիստոնեությունը մ.թ. 301թ.-ին: Սակայն այս փոքրիկ վանքը, որը գտնվում է Երևանից անմիջապես հյուսիս, յուրահատուկ հոգևոր է։ Այն տեղակայված է Քասախի կիրճի վտանգավոր եզրին, որը կարծես կիլոմետրերով բաժանում է երկիրն ամեն ուղղությամբ: Հանգիստ է, առանց շատ զբոսաշրջիկների։ Ներսում ցուրտ է, մութ և հինավուրց: Հայերը շատ պատմություն կորցրած ժողովուրդ են. մշակույթի մեծ մասը և շատ վանքեր ավերվել են: Սաղմոսավանքը բացահայտում է մշակույթի բաբախող սիրտը՝ հիշեցնելով, որ այն դեռ շոշափելի է և դեռ շատ կենդանի», – գրել է FT-ն։