Ֆրանսիայում ԵՄ-ից և ՆԱՏՕ-ից դուրս գալու պահանջով բողոքի ակցիա է անցկացվել

Այսօր Փարիզում տեղի է ունեցել Եվրամիությունից և ՆԱՏՕ-ից Ֆրանսիայի դուրս գալու պահանջով բողոքի ակցիա, որին մասնակցել է մի քանի հարյուր մարդ․ հաղորդում է РИА Новости-ի թղթակիցը։

Երթը կազմակերպել է «Հայրենասերներ» կուսակցությունը՝ նրա առաջնորդ Ֆլորիան Ֆիլիպոյի գլխավորությամբ։ Նրա կարծիքով՝ ԵՄ-ից դուրս գալը Ֆրանսիային թույլ կտա պաշտպանել իր ազգային շահերը։

Բողոքի ակցիայի մասնակիցները երթով անցել են Փարիզի կենտրոնով` վանկարկելով «Մակրոն հրաժարական տուր», «Frexit», «Մակրոն, պատերազմիր քո պատերազմում ինքդ»:

Ցույցի կեսին Ֆիլիպոն պատռել է ԵՄ դրոշը։