Սպիտակ տունը հերքել է ուկրաինացիներին ժամանակավոր իրավական կարգավիճակից զրկելու տեղեկությունը

ԱՄՆ-ում հերքել են այն տեղեկությունը, թե  մտադիր են չեղարկել երկրում բնակվող մոտ 240 հազար ուկրաինացիների ժամանակավոր իրավական կարգավիճակը․ հերքումը տարածել է Սպիտակ տան խոսնակ Քերոլայն Լևիտը՝ նշելով, որ ներկա պահին նման որոշում չի կայացվել, գրում է РИА Новости գործակալությունը։

Ավելի վաղ՝ Reuters գործակալությունը տեղեկություն էր հրապարակել, որ նախագահ Դոնալդ Թրամփի վարչակազմը պլանավորում է չեղարկել Ռուսաստանի հետ հակամարտությունից փախած մոտ 240 հազար ուկրաինացիների ժամանակավոր իրավական կարգավիճակը։