Նեթանյահուն պատվիրակություն կուղարկի Դոհա՝ մասնակցելու Գազայի վերաբերյալ բանակցություններին
Իսրայելի վարչապետ Բենիամին Նեթանյահուն Թել Ավիվում ամերիկացի բանագնաց Սթիվ Ուիտկոֆի հետ հանդիպումից հետո կարգադրել է Գազայի հատվածի կարգավորման շուրջ բանակցությունները շարունակելու և պատանդներին ազատ արձակելու համար մայիսի 13-ին պատվիրակություն ուղարկել Կատար:
«Բանագնաց Ուիթկոֆի և դեսպան Հակաբիի հետ հանդիպման ժամանակ քննարկել ենք առևանգվածներին ազատելու ծրագիր իրականացնելու փորձը։ Այդ նպատակով ես հրամայել եմ վաղը բանակցություններ անցկացնել Դոհայում», – X-ի իր միկրոբլոգում գրել է Նեթանյահուն։
Իսրայելի վարչապետը տեղեկացրել է նաև, որ Ուիտկոֆի հետ հանդիպումից հետո նա խոսել է ԱՄՆ նախագահ Դոնալդ Թրամփի հետ: Նրա խոսքով՝ ԱՄՆ նախագահը վերահաստատել է Իսրայելին իր նվիրվածությունը և սերտ համագործակցությունը շարունակելու ցանկությունը:
