Ահաբեկչություն՝ Կալիֆորնիայում․ զոհ և վիրավորներ կան (տեսանյութեր)
Կալիֆորնիայում վերարտադրողական բժշկության կլինիկայի մոտ տեղի է ունեցել պայթյուն։ Մահացել է մեկ մարդ, ևս չորսը վիրավորվել են։ Տեղի ունեցածում կասկածում են 25-ամյա մի տղամարդու։ Ենթադրվում է, որ նա է եղել այն միակ զոհը․ նա պայթեցրել է մեքենան կլինիկայի մոտ։
Կասկածյալը թողել է անհասկանալի մի հաղորդագրություն, որում նշում է, թե ինքը համաձայնություն չի տվել ծնվելու համար։ Այդ պատճառով էլ թիրախ է դարձել այն բժշկական հաստատությունը, որտեղ մարդիկ գիտակցաբար պլանավորում են երեխա ունենալ։
Դաշնային քննչական բյուրոն դեպքը որակել է որպես ահաբեկչություն։
