ԱԱԾ-ն տղաների անհետացած հատվածում ծառայություն չի իրականացնում․ Սյունիքի մարզպետ

 Սյունիքում օրեր առաջ մի քանի ժամով անհետացած տղաները չեն հատել սահմանը։ Ազգային ժողովում լրագրողների հետ զրույցում ասել է Սյունիքի մարզպետ Ռոբերտ Ղուկասյանը։

 Նրա խոսքով՝ այս ամբողջ ընթացքում նա որևէ մեկնաբանություն չի արել՝ վիճակն անհասկանալի լինելու պատճառով։

«Կարծում եմ՝ նրանք սպասել են մութն ընկնի, հետո վերադառնան։ Հավանաբար վտանգավոր վայրում էին»,- ենթադրել է մարզպետը։

Ղուկասյանը հավելեց՝ ԱԱԾ–ն իրենց անհետացած հատվածում ծառայություն չի իրականցնում, ինչն էլ հավանաբար պատճառ է դարձել տարածված հակասական հայտարարություններին։