Պաղեստինի վարչապետը ՀԱՄԱՍ-ին կոչ է արել վայր դնել զենքերը և հեռանալ Գազայից
Պաղեստինյան ՀԱՄԱՍ շարժումը պետք է դադարեցնի Գազայի հատվածի կառավարումը․ այս մասին հայտարարել է Պաղեստինի վարչապետ Մուհամեդ Մուստաֆան, որի խոսքերը մեջբերում է РИА Новости գործակալությունը։
«ՀԱՄԱՍ-ը պետք է դադարեցնի Գազայի կառավարումը և զենքը հանձնի Պաղեստինյան ինքնավարությանը»,-ասել է նա Նյու Յորքում ՄԱԿ-ի կենտրոնակայանում Պաղեստինին նվիրված համաժողովի ընթացքում:
Մուստաֆան նաև պատրաստակամություն է հայտնել Գազայում տեղակայել «տարածաշրջանային և միջազգային ուժեր»։
