Իսրայելի զինվորականները տարհանման հրաման են արձակել Գազայի Խան Յունիսի հարավային մասի բնակիչներին՝ նախազգուշացնելով, որ «բռնի ուժ կգործադրեն», գրում է CNN-ը, հղում անելով աղբյուրներին:
Խան Յունիսում վերջին շրջանում ուժեղացող ռմբակոծություններ են եղել, իսկ այս շաբաթվա սկզբին Իսրայելի ցամաքային նոր հարձակումը սպանել է այնտեղ ապրող տասնյակ պաղեստինցիների: Իսրայելի պաշտպանության բանակը երկուշաբթի նախազգուշացրել է, որ կկրճատի իր, այսպես կոչված, հումանիտար գոտին քաղաքի արևելյան մասում, քանի որ «Համաս» զինյալ խմբավորումը տեղակայել է այդ տարածքում:
Անցած շաբաթվա ընթացքում տասնյակ հազարավոր մարդիկ տեղահանվել են: Իսրայելն ուրբաթ հայտարարել է, որ վերջին մարտերի ընթացքում մոտ 100 պաղեստինցի (խմբ. ՝զինյալ) է սպանվել:
«Իսրայելական բանակը պատրաստվում է ուժային գործողություններ սկսել ահաբեկչական կազմակերպությունների դեմ, ուստի կոչ է անում Խան Յունիսի հարավային թաղամասերում մնացած բնակչությանը ժամանակավորապես տարհանվել Ալ-Մավասիում հարմարեցված հումանիտար տարածք»,- շաբաթ օրը գրել են զինվորականները Telegram-ում:
Ալ-Մավասիում նշանակված հումանիտար տարածքը ենթարկվել է իսրայելական բազմակի հարձակումների, ներառյալ հուլիսի 14-ին հարվածը, որի հետևանքով զոհվել է 90 մարդ, ևս 300-ը վիրավորվել են:
Հայտարարության մեջ ասվում է, որ այդ քայլը պատասխան է «զգալի ահաբեկչական գործունեության և հրթիռակոծության», որը տարածվում է հարավային Խան Յունիսից:
