ՀՀ-ի և Ադրբեջանի ԱԳՆ ղեկավարները կարող են վերացնել երկար սպասված խաղաղության վերջին արգելքները «3+3» հարթակի շրջանակներում. EADaily
Խաղաղության շուրջ գործընթացի սակավաթիվ դրույթներից մեկը, որի շուրջ Հայաստանն ու Ադրբեջանը քիչ թե շատ ընդհանուր հայտարարի են եկել, երկկողմ ձևաչափով բանակցություններ վարելու նպատակահարմարությունն է՝ առանց երրորդ երկրներին որպես միջնորդ ներգրավելու, գրել է EADaily-ին։
Խաղաղության հասնելու մեթոդաբանության շուրջ կոնսենսուսը կողմերին չի բացառում առանձին երկրների դիվանագիտական ծառայություններն ընդունելը, սակայն՝ բացառապես որպես բանակցությունների հարթակներ։ Մոսկվան և Վաշինգտոնը, որոնք վերջերս «մրցակից» են ձեռք բերել ի դեմս Աստանայի, շարունակում են պահպանել գերակշռող դերը։
Հայաստանի և Ադրբեջանի ԱԳՆ ղեկավարների միջև խաղաղության պայմանագրի նախագծի վերջին հակասությունները լուծելու հնարավորություն կարող է հայտնվել պատմական համաձայնագրի ստորագրման մեկ այլ պոտենցիալ վայրում՝ Թուրքիայում:
Հոկտեմբերի 18-ին Թուրքիայի մայրաքաղաքում տեղի է ունենալու «3+3» խորհրդատվական տարածաշրջանային պլատֆորմի երրորդ հանդիպումը (Ռուսաստան, Թուրքիա, Իրան – Հայաստան, Ադրբեջան, Վրաստան): Թբիլիսին, ինչպես եղավ Մոսկվայում և Թեհրանում «վեցյակի» նախորդ երկու նախարարական հանդիպումների դեպքում, խուսափում է Ստամբուլ այցից։ Սակայն դա ոչ մի կերպ չի խանգարի հայ-ադրբեջանական հարաբերությունների կարգավորման առաջընթացին, եթե Երևանն ու Բաքուն որոշեն թուրքական հարթակում վերացնել երկար սպասված խաղաղության վերջին արգելքները։
Հայաստանը և Թուրքիան վերջերս սկսել են գրեթե նույն դիրքորոշումը որդեգրել, ըստ որի՝ Անդրկովկասի հանրապետությունների միջև «շուտով» պետք է խաղաղության պայմանագիր կնքվի։ Այլ հարց է, որ Անկարան, միևնույն ժամանակ, մշտապես ընդգծում է իր համար Բաքվի մոտեցման առաջնահերթությունը խաղաղության ժամկետները որոշելու հարցում։
«Այսպես թե այնպես, Թուրքիան վաղուց որոշել է իր հարևանների միջև խաղաղության ստորագրման վայրը և չի տեսնում ավելի լավ տարբերակ, քան սեփական հարթակը։ Կորոշի՞ արդյոք Փաշինյանը դա անել, մնում է հարցական։ Սակայն, եթե նա պետք է ընտրություն կատարի որքան հնարավոր է շուտ խաղաղության հասնելու և որոշակի քաղաքական վնասների միջև՝ կապված Հայաստանի համար չափազանց վիճահարույց թուրքական պլատֆորմին համաձայնվելու հետ, նա, թերևս, կնախընտրի առաջինը», – գրել է կայքը։
