Արմավիրը նոր մարզպետ ունի․ ո՞վ է նա

Այսօր Կառավարության նիստում Նիկոլ Փաշինյանը հայտարարեց, որ Արմավիրի մարզպետ է նշանակվել Արգիշտի Մեխակյանը։

Մեխակյանը ծնունդով Արմավիրի մարզից է, մասնագիտությամբ՝ տնտեսագետ։

2007 թվականից սկսել է աշխատել պետական ապարատում, մասնավորապես՝ Էջմիածնի քաղաքապետարանում որպես վերահսկողության բաժնի երկրորդ կարգի մասնագետ, 2008-2010 թվականներին՝ Էջմիածնի քաղաքապետարանի ֆինանսական բաժնի առաջին կարգի մասնագետ, 2010-2014 թվականներին՝ Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի նախագահի օգնական, 2014-2016 թվականներին աշխատել է որպես Հայաստանի Հանրապետության էներգետիկայի և բնական պաշարների նախարարի օգնական, 2017-2018 թվականներին՝ «Մոբայլ Սենթր Արթ» ՍՊԸ-ում որպես մենեջեր։

2018 թվականի դեկտեմբերի 9-ին ընտրվել է Ազգային ժողովի պատգամավոր «Իմ քայլը» կուսակցությունների դաշինքի կողմից, 2020 թվականին վայր է դրել մանդատը։

2020 թվականի դեկտեմբերի 15-ին նշանակվել է ՀՀ Արմավիրի մարզպետի տեղակալ։ 2021 թվականից զբաղեցնում էր Խոյ համայնքի համայնքապետի պաշտոնը։