«Արթկոսմեդ» էսթետիկ ԲԿ-ի գործունեությունը կդադարեցվի
Առողջապահական տեսչական մարմինը միջնորդություն է ներկայացրել առողջապահության նախարարություն, որպեսզի կասեցվի «Արթկոսմեդ» էսթետիկ բժշկության կենտրոնը։ Այս մասին հայտնել է նախարարության խոսնակ Մարիամ Ծատրյանը։ Առողջապահության նախարար Անահիտ Ավանեսյանն էլ է անդրադարձել դեպքին ու ասել, որ հետևողական են լինելու։
Հիշեցնենք, «Արթկոսմեդ» էսթետիկ վիրաբուժության կլինիկայում հոկտեմբերի 5-ին գրանցվել էր 56-ամյա կնոջ մահվան դեպք։
Մահացողը Զաբել Կարապետյանն էր, որը Գերմանիայից էր եկել Հայաստան, դիմել պլաստիկ վիրահատության համար:
Սա կլինիկայում գրանցված արդեն երկրորդ մահվան դեպքն է պլաստիկ վիրահատության ընթացքում։ Նախորդ տարի էլ երիտասարդ կին էր մահացել:
