Իսրայելի ռազմաօդային ուժերը հարված են հասցրել Գազայի հյուսիսին

Իսրայելի ռազմաօդային ուժերը ավիահարված են հասցրել Գազայի  հյուսիսային հատվածին՝ սպառնալիքը վերացնելու համար. այս մասին հայտնում է Իսրայելի պաշտպանության բանակի մամուլի ծառայությունը։

Հաղորդագրության համաձայն՝ ավելի վաղ, հայտնաբերվել են մի քանի կասկածելի անձինք, ովքեր գործողություն են իրականացրել  Գազայի հյուսիսում գտնվող Իսրայելի պաշտպանության բանակի զորքերի մոտակայքում:

Ըստ Իսրայելի ՊԲ հաղորդագրության՝  նկատվել է, թե ինչպես են այդ անձինք պայթուցիկ սարք տեղադրում  տարածքում: Սպառնալիքը վերացնելու նպատակով ավիահարվածներ են հասցվել կասկածելի անձանց: